протоколҳои ҳуқуқвайронкунии маъмурӣ тартиб дода шудааст.

Сардори "Хадамоти давлатии танзим ва назорат дар соҳаи нақлиёт" /имзо/ Нуров А.

Баъди санҷишу даҳолати ин мақомот хатсайри рақами 4 тибқи хатсайри қонунӣ зикр шудаи худ фаъолият карду аммо қонунвайронкунии хатсайри рақами 5 ба миён омад. Хулоса дигар намехоҳам, оиди ин мавзӯъ иловатан нақл намоям. Аммо мавзӯи зерине, ки мехоҳам ба шумо хонандагони азизу пурбардошт нақл кунам беҳтар аст, зеро он хеле ҷолибтар ва хонданбоб аст.

Чӣ тавре ки дар боло нақл шуд, дархостҳои пайҳами сокинони деҳаи Сурх ва шаҳраки Нефтобод сабаб шуд, ки рӯзи 15.01.2009 муроҷиати мо ба раиси вилоят расид. Дар асоси супориши раиси вилоят Раиси шаҳр М.Б.Ёқубова Амри № 14 аз 5.02.09 баровард, ки дар он гурӯҳи корӣ таъсис дода шуд. Ин "комиссия" оиди хизматрасонии нақлиёти мусофиркашонии дохили шаҳр омӯзиш гузаронида, мебоист дар асоси амр дар мӯҳлати як ҳафта фаъолияти санҷиширо ба анҷом расонида, хулосаи таҳлилииашро бароварда, ба шаҳрдорӣ равон мекард.

Аммо, чӣ асроре буд, ки ин комиссияи "муштарак"-, ки иборат аз 9 нафар будаанд, ба ҷои ҳафт рӯз бисту ду рӯзи расо гӯё кор кардаанд.

Аҷиб он буд, ки нусхаи он амр ба ман дастрас нашуда буд, ман на балки аз чеҳраҳо, ҳатто аз ному насаби аъзоҳои комиссия бехабар будам. Дар ин мӯҳлати 22 рӯз, яъне аз 5.02.09 то 26.02.09 шахсан ҳар рӯз камаш ду маротиба ба хотири бо аъзои комиссия вохӯрдан ва бо ҳуҷҷатҳо асоснок кардани даъвоҳоям ба ҳукумат ба назди муовини раиси шаҳр К.Абдурофиев, мутахассиси шӯъбаи коммуналӣ М.Мамадҷонов, ки бештар ба нақлиёт сару кор дорад, омада мерафтам. Суроғ аз комиссия кардам, аммо ҷавоби онҳо чунин буд:

"Зарурияти дидан ва ё вохӯрдани шумо бо комиссия нест, худи комиссия кор карда истодааст".