Сафорати
Ҷумҳурии
Тоҷикистон
дар Эрон

амалӣ созам. Бо ин ҳадаф ба сафоратхонаи Эрон дар Тоҷикистон роҳ пеш гирифтам. Мақсадамро ба сафири муваққат оғои Ҷалолиён рӯшан пеш гузоштам. Ӯ тасмими маро хуб пазируфт ва ба ман пешниҳод кард, ки сафаре ба шаҳрҳои Эрон анҷом бидиҳам. Аз чунин дастгирӣ хеле хушҳол шудам.

Ниҳоят моҳи июни соли 2007 Худованди меҳрубон боз маро дубора ба макони орифон, ба манзили ниёгон, ба хоки шаҳидони барҳақ, ба сарпаноҳи ошиқони саргаштаю авлиёҳои рӯҳ-ул-қудс мушарраф гардонид. Дар ин сафари дуҳафтаина пас аз анҷом додани масъалаҳои корӣ ба дидани Қасри Шоҳ Ризо ҳамроҳи писарам Оятуллоҳ омадам. Бо гуфтаи шоҳидон Ризошоҳ панҷ қаср доштааст, ки барои мо дидани се қасри он насиб шуд.

Девори қасрҳо хеле баланд ва ҳашамати бузург дошта, ба чашм хеле касногузар метобид. Аз маҷлисгоҳу долонҳои бузурги беохир, махфигоҳу фароғатгоҳ ва ҳарамсаро то осорхонаи ин шоҳи пеш аз исломии Эрони бузургро дида, сарнавиштҳои китоби "Теҳрони махуф" ба ёдам омад...