Сомониён китобхонаи калонтарини дунё амал мекард, ки мислаш дар ҷаҳон набуд.

741. Вазирони Сомониён — аз зумраи хирадмандону донишмандон буданд, ки ба аҳли зиё эҳтироми зиёд доштанд. Аз рӯи баъзе сарчашмаҳо, аз 119 шоири дарбори Сомониён 4 нафар амир, 8 тан вазир, 28 котиб, 31 нафар ҳокиму амалдор, қозӣ ва заминдорон буданд.

742. Донишмандони тоҷик дар асрҳои миёна, ки оид ба роҳбарӣ сухан гуфтаанд — Аҳмади Балхӣ, Алии Фаррухӣ, Берунӣ, Абӯалӣ ибни Сино, Абунасри Утбӣ, Байҳақӣ, Рашиди Самарқандӣ, Носири Хусрав, Умари Хайём, Адиб Собири Тирмизӣ, Муҳаммад Ғаззолӣ, Асадии Тӯсӣ ва дигарон.

743. Ғазалҳои Саъдии Шерозӣ ва Ҳофизи Шерозӣ — ифодагари фалсафаи баланди Худошиносӣ ва инсонпарварӣ буда, хиради рафтори роҳбариро ба қуллаҳои баланди малакутӣ, яъне хештаншиносӣ расонидаанд.

744. Таъкидҳои Эмомалӣ Раҳмон оид ба давлати Тоҷикистон — бояд таъкид кард, ки дар тӯли беш аз ҳазор сол мардуми мо пайваста барои эҳёи давлати миллии худ ва истиқлолияти он талош мекард. Бо ҳукми таърих имрӯз ба мо муяссар шудааст, ки орзую ормони деринаи миллати тоҷикро амалӣ сохта, ба бунёди давлати мустақили Тоҷикистон ноил гардем.

745. Қуръон — навиштаҷоти соддаи инкишофи башарӣ мебошад, ки аз пайвастагии эмбрионҳо дар батни модар шурӯъ мешавад, - менависад профессор Жералд С. Герингерӣ амрикоӣ.

746. Ақл — тавассути ақл умури пӯшидаи қадиму табиатро дарк намуда, шакли Замину Фалак, Офтобу Моҳ ва ҳаракати онҳо, Худованду иззу ҷалоли ӯро шинохтем.

747. Аз Луқмони Ҳаким пурсиданд — тавонгар кист? Гуфт: Он ки дар ақл тавонгар аст. Гуфтанд, кадом пироҳан аст, ки ҳаргиз кӯҳна нагардад? Гуфт: номи нек.

748. Тасвири вақтшиносӣ дар эҷодиёти Абӯалӣ ибни Сино —
     Чун пир шудӣ кори ҷавон натвон кард,
     Пирӣ ба кофирӣ ниҳон натвон кард,