Ташкили самаранокии меҳнат — ташкили бозори самараноки меҳнат, ташкили системаи баланди музди меҳнат ва адолати иҷтимоӣ, баланд бардоштани дараҷаи касбияти одамон, таъмини шуғли пурраи самаранок, барҳам додани бекорӣ.

Менеҷменти экологӣ — системаи иқтисодии роҳбарие, ки идора бо роҳи ҷорӣ намудани талаботҳо ва стандартҳои байналхалқии экологӣ ташкил карда мешавад.

Менеҷменти экологӣ — системаи идоравии пешқадам, ки аллакай дар корхона барои истеҳсоли моли аз ҷиҳати экологӣ тоза ташкил карда шудааст.

Қоидаҳои асосии менеҷменти экологӣ — ташкили сиёсати нави экологӣ вобаста аз дараҷаи инкишофи техникӣ ва технологияи истеҳсолот, қабули қарори роҳбарии ба экологикунонӣ нишонагир, ташкили назорати экологӣ, истеҳсоли мол мувофиқи стандарти экологӣ.

Вазифаи асосии менеҷменти экологӣ — ташкили раванди истеҳсолии аз ҷиҳати экологӣ тоза, таъмини экологии тамоми системаи менеҷмент, муайян кардани зиён ва фоиданокии экологӣ, ташкили меъёрҳои маҳдудиятҳои экологӣ, ташкили системаи ҳавасмандии экологӣ.

Предмети менеҷменти экологӣ — иқтисоди истифодабарии сарватҳои табиӣ, сохтори ташкилӣ, маркетинги экологӣ, сиёсати экологӣ, ахбор, алоқа бо ҷамъият ва дигар қисмҳои таркибии менеҷмент.

Таърихи инкишофи менеҷменти экологӣ — 5 давраи калонро аз сар гузаронидааст. Обшинаи ибтидоӣ, заминистифодабарӣ, барқароршавии капитализм, инкишофи бемайлони саноатӣ, инкишофи экологикунонии истеҳсолӣ.

Равияҳои маркетинги менеҷменти экологӣ — ташаккули сохтори бозории фаъолияти бозорӣ, баҳои экологии молҳо, суғуртаи экологӣ, тағйироти ҳисоботи экологӣ ва ташхиси экологӣ, қоидаи нави савдо.

Усули маркетинги назорати экологӣ — механизми хоҷагидорию тиҷоратӣ, ҷамъиятию ҳуқуқӣ, идораи маркетингӣ, меъёрию техникӣ, ахборӣ, сохтори истеҳсолӣ ва роҳбарӣ, ташхиси экологӣ.