Системаи стандартии ISO 14000 - ISO 14030 баҳои сифатии экологӣ, ISO 14040 баҳои давраи ҳаётии маҳсулот, ISO 14041, мафҳумҳо ва моҳияти онҳо, ISO 14020 - 22 намуди тамғадиҳии экологӣ, ISO 14010 - 14015 аудити экологӣ, ISO 14001 - 14004 системаи экологии идоракунӣ.

Гурӯҳи партовҳо — партовҳои маишии аҳолӣ, партовҳои корхонаҳои муниципалӣ ва партовҳои саноатӣ.

Ташкилотҳо ва ҷамъиятҳои идоракунии партовҳо — ҳокимияти иҷроия, аҳолӣ, ташкилотҳои ҷамъиятӣ, муассисаҳои назорати давлатӣ, роҳбарони корхонаҳои партовбарорӣ, нақлиётчиён, намояндагони ВАО ва олимону донишмандони соҳа.

Кадастри давлатии замин - системаи муайяншудаи давлатии ҳисоб, баҳодиҳӣ ва бақайдгирии ҳуқуқ ба замин буда, барои батанзимдарорӣ ва беҳтар кардани муносибатҳои заминдорӣ равона карда шудааст.

Нигоҳдории мувозинати ҳосилхезии хок — чорабиниҳои комплексиеро меноманд, ки шароити хуби кишти зироатҳои кишоварзӣ, пайдарпаии онҳо, нигоҳдории мувозинати табодули хокӣ ва обии заминро дар бар мегирад.

Нишондиҳандаҳои баҳои экологии замин — ифлосшавии хок, атмосфера,
об, муҳити зист, радиоактивӣ, акустикӣ, рекреатсионӣ, мамнӯъгоҳҳо,
мавзеъҳои санитарӣ, фармоишӣ ва боғҳои миллӣ.

Системаи иқтисодии идоракунии экологӣ — банақшагирӣ ва молиягузории чорабиниҳои муҳофизати табиат, муайян кардани меъёри истифодабарии сарватҳои табиӣ, партовҳо ва ҷойгиркунии онҳо, меъёрҳои андозсупории экологӣ, ташкили минтақабандии экологӣ.

Андози замин - пардохт барои ҳуқуқи истифодабарии қитъаи замин мебошад.

Иҷорапулии замин - пардохт барои замини иҷорагирифташуда мебошад.

Системаи пардохти канданиҳои фоиданок — пардохт барои истифодаи конҳо, пардохт барои такрористеҳсоли маъданҳо, аксизҳо, пардохт оид ба ахбори геологӣ, пардохтҳои дигар.