Шаклҳои таваккали молиявӣ — қарзӣ, фоизи бонк, асъори хориҷӣ, фоида.

Сармоя — маблағгузории воситаҳои молиявӣ, ки барои ба даст овардани амволи моддӣ, ғайримоддӣ ё амволи молиявии қоғазҳои қимматнок ва ё инкишофи башарӣ сарф мешавад.

Шаклҳои ҷомадонии фонди корхона — сармоявӣ, афзоишӣ, даромад, даромади таваккалӣ, даромади мунтазам.

Вазифаҳои идоракунии сармоявӣ — таъмини даромади ҳадди баланд, таъмини пурраи бехатарӣ.

Менеҷменти иҷтимоӣ — самаранокии фаъолияти корхонаро дар бахши иҷтимоӣ, ки барои қонеъ гардонидани талаботи тамоми гурӯҳи аҳолӣ бо молҳо ва хизматҳои иҷтимоӣ равона шудааст, таъмин менамояд.

Мутахассисони бахши иҷтимоии менеҷмент — менеҷер ва маъмурони ташкилот, мутахассис оид ба маркетинг, иқтисодшинос, молиягузор, менеҷери кадрӣ, ҳуқуқшинос, мушовир.

Функсияҳои асосии бахши иҷтимоии менеҷмент — муҳофизати саломатӣ ва ҳаёти одамон, беҳтаршавии шароити манзил ва маоши онҳо, имкони маълумотгирии коллектив, ташкили кори ба музди меҳнат мувофиқ, таъмини инкишофи иҷтимоӣ ва маданӣ, таъмини пиронсолии арзанда ба кормандон.

Сиёсати иҷтимоии менеҷмент — кор карда баромадани қоидаҳо ва меъёрҳои эҳтироми одамон ва мавқеи баланди он дар ҷамъият, додани кафолати иҷтимоӣ, муҳити озоди фаъолияту истироҳат.

Мақсаднокии иҷтимоии менеҷмент — инкишофи иҷтимоии захираҳои башарӣ, хизматрасонии иҷтимоӣ, ҳимояи иҷтимоӣ.

Иқтисодиёти иҷтимоӣ — инкишофи башарӣ, афзоиши солимии аҳолӣ, дарозумрӣ, касбу маълумотдорӣ, муҳити солими зист ва шароити имкони истифодаи захираҳо, озодии интихоби ҷои зист ва фаъолият, таъмини рушди маорифу маданият.

Равандҳои асосии фаъолияти менеҷменти иҷтимоии Тоҷикистон — мубориза ба муқобили камбизоатӣ, дастгирии иҷтимоии аҳолӣ ва ҳимояи он, таъмини тарзи зиндагонии солим, инкишофи иқтисодиёти солим,