Системаи шароитҳои инкишофи соҳибкорӣ — моликияти хусусӣ, озодии иқтисодӣ, рақобати бозор, ҳавасмандӣ, маҳдудияти даҳолати давлат, ҳуқуқи озодии фаъолият, азхудкунии моликият ва манфиат.

Омилҳои рушди соҳибкорӣ — тағйирёбӣ дар иқтисодиёт, глобализатсияи амиқ, афзоиши рақобат, технология, мавқеи бозории соҳибкор.

Сифатҳои хоси соҳибкор — назорати доимӣ, донишмандӣ ва кордонӣ, талаботи баланд ба дастовардҳо, таҳаммул ва бардошт, боварӣ ба худ, вақтшиносӣ.

Қоидаҳои соҳибкорӣ — таъмини озодии фаъолият, мустақилият, ҷавобгарии моддию маънавӣ, таваккалкорӣ, ба талаботи истеъмолкунанда равона сохтани фаъолият, навоварӣ.

Шаклҳои фаъолияти соҳибкорӣ — истеҳсолӣ, тиҷоратӣ, молиявӣ, миёнаравӣ, хизматрасонӣ ва илмӣ-тадқиқотӣ.

Соҳибкорӣ аз нигоҳи Р. Хиврич — соҳибкорӣ фаъолияти навоварӣ ва дорои арзишҳо буда, вақт ва қувваро талаб менамояд ва дар худ масъулияти молиявӣ, маънавӣ ва иҷтимоӣ гирифта, дар натиҷа даромади пулӣ ва қаноатмандӣ ба даст меорад.

Соҳибкорӣ мувофиқи ақидаи П. Друкер — соҳибкорӣ ҷараёни фаъолияти мунтазами навоварӣ, яъне ҷустуҷӯ ва истифодаи имкониятҳои таъмин намудани хоҳиш ва талаботҳои башарӣ мебошад.

Мазмуни иқтисодии маркетинг дар менеҷмент — ҳамчун ҷараёни иҷтимоӣ ва идоракунӣ дар менеҷмент.

Менеҷменти маркетингӣ — ҷараёни банақшагирӣ ва амалӣ гардонидани концепсияи нархгузорӣ, пешниҳодҳо ва тақсимоти ақидаҳоро оид ба фурӯши мол ва хизматҳо меноманд.

Маркетинги менеҷмент — санъат ва илми интихоби бозори мақсаднок, нигоҳдорӣ ва ҷалби истеъмолкунандаи нав бо роҳи ташкил, таъминот ва коммуникатсия ва арзишҳои баланди интихобиро меноманд.

Системаи оддии маркетинг — соҳаҳо, мол ва хизматҳо, пул, ахбор, бозор.

Талаботи бозор — қобилияти харидории истеъмолкунандаро барои молӣ муайян бо нархи муайян, дар вақти муайян меноманд.