Ниҳоят модар аз паси тирезаи кушода даст ҷумбонид, яқин духтарчаро мехонд беҷуратона вай ҷониби худаш.
Духтарча боз нигоҳашро овард ба роҳи сермошин, ки мошини падар ғайб зада буд кайҳо миёни унҳо.
Модар аз тирезаи беморхона боз даст гардонд тарафи духтарча.
Шояд духтарча равад ҷониби модараш? Охир падар гуфта буд ку: «Ту бе очаат наметавонӣ, ман бошам наметавонам бо очаи ту! Баргард пеши вай!»
Духтарча ин лаҳза ба мушоҳида гирифт, ки паси тирезаи беморхона паҳлӯи модар пайдо шуд нафари дигар. Пас бармеомад ин марди бегона ҳанӯз монда дар палатаи модари вай.
Марди паҳлӯи модар боз табассум кардан мехост бо тарзи худ барои духтари бари роҳ. Шояд бо лабхандаш мулоим кардан мехост воқеаҳои ин ҷо шударо ин мардак.
Бале чунон табассум мекард, ки гӯё ягон чизи ғайриоддие нашуда бошад ва рӯй надода бошад ин ҷо, дар беморхона.
Духтарак нигоҳашро аз онҳо барканду нигарист ҷониби роҳе, ки дар он рафта буд мошини падари худаш.
Баъд ба ҳамин роҳ қадам ниҳод духтарак. Ва мерафт ҷонибе, ки мошини падар рафта буд.
Модар бештар ҳайратзада мешуд паси тирезаи палатаи беморхона, паҳлӯи марди чигасдори дигар.
Духтарак бошад суръат мегирифт. Балки медавид. Медавид миёни роҳ, балки миёни мошинҳои зиёди бо суръат дар равуо. Ва сӯе медавид, ки рафта буд мошини падари худаш ва ғайб зада буд он ҷониб.
Духтарча миёни мошинҳои зиёд нопадид гардид дар охири охир.
Вале бари роҳ мерафтанд ҳамоно ду нафари дигар, балки зану писараке мерафтанд.
Балки Лоҷувард буд ва фарзанди вай. Бидонча дар дасти Лоҷувард ҳамоно меларзид ва аз он оби шурбо лапида, берун мезад ва бари либоси худи вай ва писарчаашро ҳам тар ва равғанолуд мекард. Аммо инро ҳанӯз ҳис намекарданд онҳо. Зеро инҳо низ ба ғаму изтироби худашон овора буданд.

---

Дар паси тирезаи кушодаи бемористон Афсона ҳанӯз монда буд. Балки тулонӣ шах шуда буд, то даме, ки тоб хӯрда тавонист ниҳоят. Тоб хӯрду Неъматро бидид. Ҳамон Неъмате, ки фаромӯш карда будаш чанд муддат.
– Чӣ кори кардагемон буд-а? - сухани Афсона бо изтироб садо дод. Ва пасон ҳатто ҷониби Неъмат даргирифт.

• Чаро омадӣ палатаи ман?! Агар намеомадӣ, шояд намешуд ин ҳама-аа?!
  – Шудагӣ кор шуд…
• Неъмат тамоман ором буд.
• Дигар ислоҳ намешавад. Ману ту ҳам ислоҳнашаванда. Хайр…
• Неъмат чун одат сабук кардан мехост вазъро.
  – Акнун чӣ кор мекунам-аа? - хавотирии Афсона паст наменишаст.
  – Воҳима кардӣ-да?…
• сухани Неъмат буд.
  – Чӣ хел воҳима накунам будааст-а?
  – Хайр, меоянд унҳо. Куҷо ҳам мераванд?…
  – Чӣ хел меоянд, баъди ҳар чизи ин ҷо шуда?
  – Хайр… Як бор, ки дидаву дониста омада буданд, меоянд боз…
• суханашро боварие мегирифт, ки гӯё он қадар фоҷиаи ҷиддӣ рӯй надода дар ҳаёти худаш ва дар ҳаёти атрофиён.
  – …Шавҳари туро намедонам,
• идома дод Неъмат бо ҳамон боварии хоси худаш баъди муддате-духтари туро, намедонам…
• Вале зани ман…
• баъди лаҳзае боз афзуд:
• Зани ман бояд биёяд, писари маро биёрад… Куҷо ҳам мерафт ун занак?..
• лаҳзае андеша кард: - Дар ин шаҳр ғайри хонаи ман дигар сарпаноҳ надорад вай,
• боз тааммул намуд: - Хонаи ман бошад моли шахсии ман. Ин маъно дорад, ки ун занак ё ин ҷо меояд ба хабаргирии ман ва ё дар хонадонам мунтазир мешавад маро.