Ҳарчанд Гулшан хурдакак,
Сесолаю семоҳа шуд,
Лекин аҷаб доноякак
Дар байни ҳамсолони худ.

Медонад ӯ «Раҳмат», «Салом»,
Мегӯяд ӯ pursī агар:
— Номи акои ман Низом,
Номи тағои ман Зафар.

Медонад ин, ки ҳар саҳар
Бояд бишӯяд дасту рӯ,
Аз кор агар ояд падар,
Афсона мегӯяд ба ӯ.

Медонад ин, ки хоҳарам
Ӯро тамошо мебарад,
Медонад ин, ки модарам
Милтиқҷаи нав мехарад.

Танҳо намедонад чаро
Ӯ хурду дигарҳо калон:
Ӯ меравад бар боғча,
Бар кору мактаб дигарон?