Аспи Баҳодур

Аз шохи санҷит,
Соли ангур,
Хӯсида афтид
Аспи Баҳодур.

Тар шуд суми ӯ,
Ёлу думи ӯ,
Баҳодур онро
Дорад шустушӯ.

Майдача не ман

Дигар майдача не ман,
Ман духтари калонам,
Ёрӣ медиҳам акнун
Худам ба очаҷонам.

Акнун худам ҷоямро
Мерезаму менӯшам.
Ҷӯробу пальтоямро
Акнун худам мепӯшам.

Худам медӯзам акнун
Тоқиву эзори нав,
Ба хирсаку ба маймун,
Ба зочаяки якрав.

Рӯмолу куртаашро
Ман шуста метавонам...
Дигар майдача не ман,
Ман духтари калонам.