Воқеаи муҳим, яъне - ташкил ёфтани Ҷумҳурии Мухтори Шӯравии Сотсиалистии Тоҷикистон алоқаманд буд. Дар яке аз аввалин ҳавопаймое, ки ба Душанбе парвоз намуд, аъзои роҳбарияти ҳукумати навтаъсиси Тоҷикистон ташриф оварданд. Авиасияи граждании Тоҷикистон аз ҳамон рӯз сар карда, роҳи душвор, аммо пурсамари таърихии худро оғоз намуд. Маҳз дар ҳамон вақт аввалин бор Маркази танзими ҳаракати ҳавоии Сталинобод (ҳоло Душанбе) ба ибораи ҳамонвақта аэроузел ташкил гардида, ба роҳ мондани хатсайрҳои нав тавассути қаторкӯҳҳои Помир оғоз ёфт. Аввалин кӯпруки ҳавоӣ, ки Бухороро бо Душанбе мепайваст, барои ҷумҳурии ҷавон, ки дар дохили ин кишвар набудани роҳи нақлиётӣ мушкилии асосӣ буд ва бо ҳамин сабаб нақша ва супоришҳои давлатӣ ҳалли худро намеёфтанд, аҳамияти калон дошт. Танҳо баъди 5 сол роҳи оҳан сохта шуд, ки Душанберо бо Тирмиз мепайваст ва аввалин қатора соли 1929 вориди қаламрави Тоҷикистон шуд.

Дар ибтидои шаклкулии авиасияи гражданӣ парвозҳо ба таври визуалӣ амалӣ мешуданд, зеро фосилаи ҳаракати тайёра аз замин чандон баланд набуд. Дар он вақт экипажи ҳавопаймоҳо аз уҳдаи парвозҳои масир мустақилона мебаромаданд. Бо назардошти шумораи