АЗ ТАЪРИХИ РУШДИ ҲАВОПАЙМОЙ

Авиасияи гражданӣ соҳаи мураккаб буда, дар бораи комёбиҳо, меҳнати қаҳрамонона ва корномаҳои афсонавӣ, таърихи пуршараф ва эътирофи умумихалқии авиаторҳо мебошад. Аз орзуи одам дар бораи парвоз то бунёди инфрасохтори пуриқтидор, ки ҳамлу нақли ҳавоиро таъмин мекунад, роҳи азим тай гаштааст. Хоҳиши аз рӯи замин баланд шудан ва дидани зебоии он ба воқеият табдил ёфт ва омили муҳими таъсиргузор ба тамоми паҳлуҳои ҳаёт гардид.

Дар давоми даҳсолаҳо авиасияи граждании ватанӣ ба куллӣ тағйир ёфт. Аз хатсайрҳои аввалини ҳавопаймоҳои хурди сохти чубин то ҳавопаймоҳои калонҳаҷми мусофирбар, аз аэродром ва майдонҳои майдаи аввалин то фурудгоҳҳои азими ҳозиразамони мамлакат - ин худ на ҳамаи мисолҳоеанд, ки соҳаи болдори кишвари мо бо онҳо ба таври ҳақиқӣ фахр мекунад.

Авиасияи гражданӣ дар давоми тамоми мавҷудияти худ дар тараққиёти иқтисодиёти мамлакат нақши калидӣ дорад. Имрӯзҳо соҳаи мазкур яке аз соҳаҳои пешрафтаи кишвар мебошад, ки ба сатҳи рушди иҷтимоию иқтисодӣ ва пайвастагии он бевосита таъсир мерасонад.