гирифта шудаанд. Инчунин барои фароғати тобистонаи фарзандони кормандон истироҳатгоҳи «Кайҳон» дар дараи хушманзари Ромит фаъолияти пурсамарад дорад.

Бояд тазаккур дод, ки дар фурудгоҳи Душанбе ҷиҳати ба стандартҳои ИКАО ва дигар ташкилотҳои байналмилалии соҳаи авиасияи гражданӣ мутобиқ намудани сатҳу сифати хизматрасониҳои рӯизаминӣ «Нақшаи стратегии татбиқи системаи идоракунии бехатарии парвозҳо» қабул гардидааст. Ҳамчунин бо мақсади таъмини боэътимоди амнияти авиасионӣ дар «Фурудгоҳи байналмилалии Душанбе» системаи нави сабти камераҳои мушоҳидавӣ насб карда шудаанд, ки барои ба муҳлати беш аз шаш моҳ дар бойгонии серверӣ маҳфуз доштани навори видеоӣ имкон медиҳад.