Афтодаед, оё ба об?
Оё, ба чанголи уқоб?

Оё шағол дуздида бурд,
Ё гургатон қаппида хӯрд?..

---

Хоҳед агар, э, ҷӯраҳо,
Ман гӯям асли қиссаро:

Бузголаҳои бозигар
Ногаҳ бидиданд он саҳар

Дар домани кӯҳи Булӯр,
Дар соҳили дарёи Нур,

Дар лонаи хурди ҳасин
Як ҷондори бахмалин —

Ду появу бешоҳу сум,
Гардандарози калтадум.

Бузголаҳоро чун бидид,
Чун ҳаппаке аз ҷо ҷаҳид,

Чи-чикунон,
Пи-пикунон,
Зад ғӯта бар оби равон.