ЧАШМАИ ОБИ ЗИНДАГОНИ АСТ
Нағмаҳои равону шевояш.
Балки бедор мекунад моро,
Дар муҳите ғунуда овояш.

Ҳамчу ӯ булбули хушилҷоне
Зодаи ҳар чаман нахоҳад шуд.
Дарди ӯ кудсӣ буди лафзаш низ
Буду ҳасту куҳан нахоҳад шуд.

Ӯ марову чу ман ҳазоронро
Ҳамдилу ҳамнавои дерин аст.
Бо ҳама талхиҳои фарҷомаш
Зиндагибахши ҷони ширин аст.

Ӯ маро мешиносад аз дурӣ,
Ончунон, ки ситора шабнамро.
Ё маро ӯ намешиносад ҳеҷ
Ончунон, ки гузашта ин дамро.

Медиҳад рӯи шишаро молиш
Панҷаҳои бурӯрии борон.
Баъди мо низ бо башар монад
Рӯҳи Зоҳир ҳабибу ҳамдаврон.