сармоягузорӣ омилҳои зеринро ба инобат гиранд:

• дараҷаи таваккалӣ дар лоиҳа, ҳар қадар мӯҳлат дароз бошад, ҳамон қадар дараҷаи таваккал зиёд мешавад;
• арзиши вақтии пул, чунки вобаста аз гузаштани вақт пулҳо арзиши худро гум мекунанд;
• диққатҷалбкунанда будани лоиҳа нисбат ба муодилҳои интихобнии маблағгузорӣ, аз нигоҳи ҳадди баланди даромадҳо ва амволи саҳҳомони корхона ҳангоми қабули таваккал.

Таҷрибаи ҷаҳониён нишон медиҳад, ки солҳои охир ташкилотҳо аксар маврид маблағгузориро дар депозитҳои бонкӣ ва қоғазҳои қимматнок мегузоранд.

Кулли қоғазҳои қимматноке, ки ташкилотҳо бо мақсади гирифтани даромад мехаранд, ҷомадони фондӣ ном гирифтааст.

Ҷомадони фондии корхона метавонад, ки аз қоғазҳои қимматноки мӯҳлатҳои гуногун иборат бошад, ки нишонагирии соҳавӣ, минтақавӣ ва миллӣ доранд. Вобаста аз мазмунашон чор шакли портфели фондиро ҷудо мекунанд:

1. Ҷомадони афзоишӣ, ки барои ҷалби сармоя равона карда шудааст ва қоғазҳои қимматноке иборат мебошад, ки қурбашон доимо афзоиш меёбанд.
2. Ҷомадони даромад аз қоғазҳои қимматноке иборат мебошанд, ки дивиденд ва фоизи калон, арзиши курсии афзоянда, нисбатан оҳиста мебошад.
3. Ҷомадони даромади таваккалӣ аз ҳад баланд, қоғазҳои қимматноки корхонаҳои хурд, ки мехоҳанд, ки фаъолияти худро тез афзоиш диҳанд, бинобар барои сармояи диққатҷалбкунанда маблағҳои зиёдеро медиҳанд.
4. Ҷомадони даромади мунтазам, ки қоғазҳои қимматноки давлатӣ ва ташкилотҳои калонро дар бар мегиранд.

Таҷриба нишон медиҳад, ки барои мақсаднокии портфели қоғазҳои қимматнок бояд омилҳои зеринро ба инобат гирифт:

• таносуби мақсадҳои стратегӣ ва вазифаҳои тактикии корхонаҳо;
• ҳолати бозори қоғазҳои қимматнок;