---

Расад рӯзе, ки аз ин чархи малъун,
Равон гардем бо қалбе пур аз хун.
Чӣ хуш, гар бигзарад ин умри кӯтоҳ
Саросар пур зи маъно, пур зи мазмун.

---

Кунад бо орзӯҳо зиндагонӣ,
Ба дунё одамӣ, гар ту бидонӣ.
Намирад ҳеҷ гаҳ шамъи умедаш,
Бипошад нур дар ҳар хонадоне.

---

Шавам қурбонат, эй марди накӯкор,
Худо бошад туро ҳар дам нигаҳдор.
Бихоҳам, ки чароғи некномӣ
Нагардад ҳеҷ гаҳ хомӯш, эй ёр!

---

Зи дасти ҳар касе н-ояд накӯӣ,
Агарчӣ бошад ӯ бас хубрӯе.
Накӯӣ кун, агар аз дастат ояд,
Намонад ҳеҷ гаҳ некӣ ба кӯе.

---

Илоҳо, ки расӣ бар орзӯят,
Саодат ҳам кушояд дар ба рӯят.
Бубинӣ ҳам камоли насли худро,
Бубинам ман ҳама рӯзи накӯят.

---

Замину осмони мост Модар,
Ягона меҳрубони мост Модар.
Адо созем бояд қарзи худро,
Ки зеро худ ҷаҳони мост Модар.

---

Бувад инсон дар ин олам мукаррам,
Ба ӯ шуд дода имкони муаззам,
Ки дар дунё ба кору хулқи некӯ
Бимонад нақши худро беш ё кам.

---

Чӣ зебо зиндагонӣ, зиндагонӣ,
Агар рози накӯномӣ бидонӣ.
Бизан оташ ба қасри ғуссаву ғам,
Ба қалбат нур пошад шодмонӣ.

---

Зи сар тоқӣ бигиру фикр мекун:
Ки аз тан ҷони мо кай ҳаст берун?
Валекин ҷисми мо рӯзе кунад тарк,
Биё, некӣ кунем, эй дӯст, афзун.

---

Наорад обрӯе худпарастӣ,
Тавонӣ, дур шав аз кибру мастӣ.
Бувад некӣ накӯкорӣ намудан,
Накӯкорӣ бикун то ҳаст ҳастӣ.

---

Бидор эмин Илоҳо, аз қазоҳо,
Нигаҳ медор, Илоҳо, аз ҷазоҳо.
Саломат дор иймонам, Худоё,
Нигаҳ медор, Илоҳо, аз балоҳо.

---

Гуноҳамро шумурдан кай тавонам,
Гувоҳӣ худ, Худои меҳрубонам.
Ба тавба мерасад умри ман оё,
Ба ёд орам, равад тобу тавонам.

---

Ба дарди ишқ гардад мубтало дил,
Ба покӣ роҳ ёбад бо сафо дил.
Бувад дар ҳукми қисмат умри одам,
Кашад беҳуда гаҳ ҷабру ҷафо дил.

---

Ҷаҳонеро мунаввар мекунад шамс,
Заминро нури Ховар мекунад шамс.
Кунад некӣ ба мардум марди некӯ,
Саҳарро бо сафо сар мекунад шамс.

---

Зи дастат гар равад ҳам молу давлат,
Ба дунё зиндагӣ кун бо муҳаббат.
Диҳанда Ӯву бистонанда ҳам Ӯст,
Зи ҷойи нест бидҳад ризқу неъмат.

---

Забони ноҷавонмардон дароз аст,
Мачаш нон ҳаргиз аз хонаш, чу боз аст.
Бигирад ҷонату миннат гузорад,
147
Кунад пур хок чашмашро, оз аст.

---

Махӯр ғам, медиҳад Ӯ ризқу рӯзӣ,
Амон бошӣ ба дунёи дурӯзӣ.
Ту кай шокир шавӣ бар додаҳояш?
Аз ин дунё равӣ рӯзе ба сӯзе.

---

Ба ҳар инсон диҳад фарзанд Яздон,
Ки бо фарзанд хушбахт аст инсон.

Оз – гурусна.
Агар сидқан бипурсӣ аз Худованд,
Диҳад фарзанд бешак ҳамчу дармон.

---

Равад аз даст ганҷат, кай тавонӣ,
Бигардондан варо дар зиндагонӣ.
Бувад беҳтар, бипардозӣ ба эҳсон,
Машав ғофил, ки дар ҳасрат бимонӣ.

---

Муҳаббат кай шиносад дину миллат?
Муҳаббат аз Худованд аст неъмат.
Ба қалби пок созад ошёне,
Чӣ ҳикматҳост пинҳон дар муҳаббат.

---

Муҳаббат халқу миллатро надонад,
Муҳаббат ҳеҷ миннатро надонад.
Набишносад, фақирӣ ё ки доро,
Муҳаббат молу давлатро надонад.

---

Вафо бошад ба ваъда кори мардон,
Набитвонад касе гардондан осон.
Бидодан ваъдаву баргаштан аз он,
Бувад номардҳоро пеша, эй ҷон!

---

Натонӣ некӣ кардан гар ба одам,
Ба дардаш шав ба ҳарфи нағз марҳам.
Ба қалбаш гар умедеро фурӯзӣ,
Нагардӣ ҳеҷ гоҳе заррае кам.

---

Гаронмоя гуҳар умр аст, умр аст,
Чу хуршеди саҳар умр аст, умр аст.