• меъёрҳои меҳнат, маълумотномаи ягонаи тарифӣ-тахассусии корҳо ва касбҳо, маълумотномаи тахассусии мансабҳои кормандон, дастурамалҳо, тавзеҳот ва тавсияҳоро оид ба масъалаҳои ташкил, меъёрбандӣ ва пардохти музди меҳнат тасдиқ мекунад;

• дар мувофиқа бо Вазорати молияи Ҷумҳурии Тоҷикистон меъёрҳои ҳадди ақал ва тартиби ҷуброни хароҷотро ҳангоми сафарбар намудани кормандон ба иҷрои корҳои васлу танзим ва сохтмонӣ, ба курсҳои такмили ихтисос, инчунин корҳои хусусияти сайёр ва сафаридошта, иҷрои корҳои вақтӣ, саҳроӣ ва корҳои доимӣ дар сафар муқаррар месозад;

• дар мувофиқа бо Вазорати молияи Ҷумҳурии Тоҷикистон шартҳои пардохти музди меҳнати кормандонеро, ки ба иҷрои корҳои садамавию наҷотдиҳӣ ва дигар корҳои таъхирнопазир оид ба рафъи оқибатҳои ҳолатҳои фавқулодда машғуланд, муқаррар менамояд;

• дар мувофиқа бо вазорату идораҳои дахлдор қоидаҳои байнисоҳавӣ ва санадҳои ташкилию методии ҳифзи меҳнатро таҳия ва қабул менамояд;

• якҷоя бо мақомоти давлатии омор намунаҳои ҳисоботи омории давлатии нишондиҳандаҳои шароит ва ҳифзи меҳнат, ҳодисаҳои нохуш дар истеҳсолот ва бемориҳои касбиро таҳия ва қабул менамояд;

• қоидаҳо ва меъёрҳоро оид ба ҳифзи меҳнат, инчунин талаботи ташкилию методӣ ва умумитехникиро барои анҷом додани корҳо вобаста ба бехатарии меҳнат тасдиқ мекунад.

Санадҳои шарикии иҷтимоӣ: созишномаҳо, шартномаҳои коллективӣ ва қоидаҳои локалие, ки аз