ҷониби корфармоён бо назардошти фикри мақоми намояндагии кормандон қабул гардидаанд ва дорои меъёрҳои ҳуқуқи меҳнат мебошанд, зинаи охирини сарчашмаҳои ҳуқуқи меҳнат маҳсуб мешаванд.

Созишномаҳои шарикии иҷтимоӣ ҳамчун сарчашмаи ҳуқуқи меҳнат дар сатҳҳои гуногун (дар сатҳи ҷумҳуриявӣ, минтақавӣ ва соҳавӣ), ки дар асоси ҳамкориҳои дуҷониба байни иттиҳодияҳои корфармоён ва иттифоқҳои касабаи кормандони сатҳи дахлдор ва дар заминаи ҳамкориҳои сеҷониба бо иштироки мақомоти давлатӣ дар ҳамон сатҳ қабул шудаанд, хусусияти хос доранд.

Шартномаи коллективӣ барои корфармои мушаххас эътибор доранд. Аммо, бар хилофи қоидаҳои дохилӣ, шартномаи коллективӣ бо ризоияти кормандон ва корфармо дар шакли намояндагии онҳо таҳия ва қабул карда мешавад.

Шартномаи коллективӣ ба доираи амали худ доираи васеи муносибатҳои иҷтимоӣ ва меҳнатиро фаро мегирад.

Санадҳои локалӣ, ки меъёрҳои ҳуқуқи меҳнатро дар бар мегиранд, бояд ба қонунҳои меҳнат, дигар санадҳои меъёрии ҳуқуқӣ, созишномаҳои шарикии иҷтимоӣ ва шартномаҳои коллективӣ мувофиқ бошанд.

Ҳамин тариқ, низоми сарчашмаҳои ҳуқуқи меҳнат дар моддаи 2 КМ ҶТ мутобиқи принципи иерархия ва қувваи ҳуқуқиашон инъикос ёфтаанд.

2.2. Кодекси меҳнати Ҷумҳурии Тоҷикистон

Кодекси меҳнати Ҷумҳурии Тоҷикистон муҳимтарин санади ҳуқуқии кодификатсияшуда буда, дар тамоми