соҳаҳои иқтисодиву иҷтимоии ҷумҳурӣ 400 сомонӣ дар як моҳ муқаррар карда шудааст.

Манбаъҳои маблағгузорӣ барои таъмини андозаи ҳадди аққали музди меҳнат барои корфармоён аз инҳо иборатанд:

-ташкилотҳое, ки аз ҳисоби буҷаи ҷумҳуриявӣ маблағгузорӣ мешаванд - аз ҳисоби буҷаи ҷумҳуриявӣ;

-ташкилотҳое, ки аз ҳисоби буҷетҳои маҳаллӣ маблағгузорӣ карда мешаванд - аз ҳисоби буҷетҳои
маҳаллӣ;

-ташкилотҳои ғайридавлатӣ - аз ҳисоби маблағҳои чунин ташкилотҳо.

Дар баробари ин, ҳадди ақали музди меҳнат аз ҷониби ҳамаи ин ташкилотҳо аз ҳисоби дигар намудҳои манбаъҳои молиявӣ таъмин карда мешавад. Ба онҳо маблағҳои ғайрибуҷавӣ, инчунин маблағҳое, ки аз фаъолияти соҳибкорӣ ва дигар фаъолиятҳои даромаднок ба даст меоянд, дохил мешаванд.

Барои корманде, ки меъёри вақти кориро дар як моҳ пурра кор кардааст ва меъёрҳои меҳнатро иҷро кардааст, музди моҳонаи ӯ наметавонад аз ҳадди ақали музди меҳнат камтар бошад. Ин кафолати муҳими ҳуқуқӣ барои муқаррар ва пардохт намудани музди меҳнат ба корманд на камтар аз ҳадди ақали музди меҳнати пешбинишуда мебошад. Барои ин корфармо масъул аст. Музди меҳнати ҳадди аққал, ба мисли "нуқтаи ибтидоӣ", ҳамчун меъёри тарифӣ ё маоши мансабӣ дар нақшаи дараҷаҳои вазифавӣ ва музди меҳнат, ки дар ҷадвали воҳидҳои кор ва ғайра муайян шудаанд, хизмат мекунад.