Ҳамзамон, дар ноҳияҳо ва маҳалҳое, ки ба музди меҳнат коэффициентҳои ноҳиявӣ, барои кор дар биёбон, маҳалҳои беоб ва баландкӯҳ муқаррар шудаанд, андозаи ҳадди ақали музди меҳнат бо истифодаи ин коэффициентҳо ва изофапулиҳо муайян карда мешавад.

2. Кафолати навбатии давлатӣ ин тадбирҳо барои нигоҳдории сатҳи воқеии музди меҳнат мебошад. Таъмини чунин нигоҳдорӣ тибқи моддаи 144 КМ ҶТ, индексатсияи музди меҳнатро бо назардошти сатҳи таваррум вобаста ба болоравии нархи истеъмолии молҳо ва хизматрасониҳо дар бар мегирад.

Индексатсия барои нигоҳ доштани қобилияти харидории даромадҳои пулӣ ва пасандозҳои шаҳрвандон равона карда шудааст.

Ташкилотҳое, ки аз буҷетҳои дахлдор маблағгузорӣ мешаванд, индексатсияи музди меҳнатро тибқи тартиби муқаррарнамудаи қонунгузории меҳнат ва дигар санадҳои меъёрии ҳуқуқии дорои меъёрҳои ҳуқуқи меҳнат ба роҳ мемонанд; дигар корфармоён - бо тартиби муайяннамудаи шартномаи коллективӣ, созишномаҳо, қоидаҳои дохилӣ.

3. Кафолати дигари давлатӣ ин маҳдуд кардани нигоҳдорӣ аз музди меҳнат, аз ҷумла ҳаҷми андозбандӣ аз даромад мебошад. Номгӯи чунин асосҳо ва андозаи нигоҳ доштани музди меҳнати кормандонро КМ ҶТ (моддаи 163) ва дигар қонунҳо муқаррар мекунанд.

Мувофиқи моддаи 163 КМ ҶТ нигоҳ доштани маблағ аз музди меҳнати корманд барои ҷуброни қарзҳояш дар