корхона ба омӯзиш фиристад ва пас аз омӯзиш ба кор дар ҳамон корхона баргардад); рӯзҳои кории ройгон ба кармандоне, ки дар ташкилотҳои таълимӣ дар ҷои кор таҳсил мекунанд; вақти таътил барои супоридани имтиҳонҳои қабул ба муассисаҳои таҳсилоти олии касбӣ ва миёна; вақти таътил барои шиносӣ бевосита дар истеҳсолот бо кор аз рӯи ихтисоси интихобкарда; вақт дар омодагии ҳарбӣ; вақти ҳозир шудан бо даъват ба мақомоти тафтишот, тафтишоти пешакӣ, прокуратура ё суд ба сифати ҷабрдида, коршинос, шоҳид, мутахассис, тарҷумон; вақти кор дар дигар корхонаи ихтироъкорон, навоварон, муаллифони намунаҳои саноатӣ вобаста ба иштирок дар омодагӣ ба истифодаи ихтирооти онҳо, пешниҳодҳои ратсионализаторӣ ва намунаҳои саноатӣ.

Ба собиқаи корие, ки ба рухсатии ҳарсолаи асосии пардохтшаванда ҳуқуқ медиҳад, инҳо дохил намешаванд: вақти бе сабабҳои узрнок дар кор ҳозир набудани корманд; вақти рухсатиҳои барои нигоҳубини кӯдак то ба синни муайяннамудаи қонунгузории Ҷумҳурии Тоҷикистон расидани ӯ; вақти рухсатиҳои немузд, ки бо хоҳиши корманд бо давомнокии беш аз 15 рӯзи тақвимӣ дода шудааст.

Ҳангоми ҳисоб кардани собиқаи корӣ, ки ба рухсатӣ ҳуқуқ медиҳад, давомнокии рӯзи корӣ ва ҳафтаи корӣ аҳамият надорад. Кормандони бо вақти нопурраи корӣ машғулбуда, рухсатии ҳарсолаи асосиро баробар ба андозаи онҳое мегиранд, ки чунин кори монандро дар вақти кории муътадил иҷро мекунанд. Танҳо андозаи пардохти рухсатӣ фарқ мекунад.