Ба собиқаи хизматии кормандони мақомоти гумруки Ҷумҳурии Тоҷикистон, давраи фаъолияти шаҳрванд дар мансабҳои давлатии ҳокимияти давлатӣ, мансабҳои сиёсӣ ва маъмурии хизмати давлатӣ, хизмат дар мақомоти ҳифзи ҳуқуқ ва хизмати ҳарбӣ дохил мешаванд. Ба ин собиқаи корӣ дар мақомоти мазкур давраҳои фаъолияти меҳнатӣ, ки ҳамчун собиқаи хизматии кормандони мақомоти гумруки Ҷумҳурии Тоҷикистон ҳисоб карда мешаванд, сарфи назар аз давомнокии муҳлати қатъ шуданашон, бо солҳо, моҳҳо ва рӯзҳо ҳисоб карда мешаванд. Ҳуҷҷатҳои асосӣ барои муайян намудани собиқаи хизматии кормандони мақомоти гумруки Ҷумҳурии Тоҷикистон, дафтарчаи меҳнатӣ ва ҳуҷҷатҳои парвандаи шахсии корманди мақомоти гумрук ба шумори мераванд. Дар сурати набудани сабти зарурӣ ё нодуруст ва ғалат будани сабти давраҳои корӣ, собиқаи меҳнатӣ аз рӯи маълумотномаҳо, нусхаи қарорҳо (фармонҳо, фармоишҳо ва дигар санадҳои мақомоти дахлдори давлатӣ ва шахсони мансабдори онҳо) дар бораи ба мансаби давлатии хизмати давлатӣ таъйин ва озод кардани шаҳрванд, ҳисоби шахсӣ, ведомостҳои пардохти музди меҳнат ва дигар ҳуҷҷатҳое, ки ба таври расмӣ фаъолияти меҳнатии кормандро исбот мекунанд, тасдиқ карда мешавад.

Бо қарори Ҳукумати Ҷумҳурии Тоҷикистон аз 3 декабри соли 2010, № 634 «Дар бораи Қоидаҳои тартиби таъминоти нафақавии касбӣ», давомнокии собиқаи кории махсус барои таъйини нафақаҳои касбӣ, муайян шудааст. Инчунин, бо Рӯйхатҳои №1 ва №2 истеҳсолот, корҳо, касбҳо, вазифаҳо ва нишондиҳандаҳои корҳои зеризаминӣ, корҳои дорои шароити махсусан зарарнок ва махсусан