саломатии кормандон ва қаноатмандии моддию маънавии онҳо заруранд, ифода меёбад. Қоидаҳо оид ба ҳифзи меҳнат, ҳадди ақали музди меҳнат, давомнокии вақти корӣ ва дигар ҳуқуқу кафолатҳои меҳнатии кормандон дар сатҳи муайян, инчунин имконияти афзоиши онҳо дар натиҷаи танзими шартномавӣ ба таври мутамарказ муқаррар карда мешаванд. Созишҳо дар асоси ҳамкории сеҷонибаи намояндагони кормандон, корфармоён ва давлат, тавассути шартномаҳои коллективӣ аз ҷониби шарикони иҷтимоӣ (кормандон ва корфармоён) ва то андозае тибқи шартномаҳои меҳнатӣ бо муқаррар кардани имтиёзҳои иловагии меҳнатию иҷтимоӣ ва кафолатҳои иловагӣ аз ҳисоби маблағҳои худи корфармоён барои ҳамаи кормандон ё категорияҳои алоҳидаи онҳо, ба даст меоянд.

Ҳамзамон, шартҳои шартномаҳои меҳнатӣ бояд вазъи кормандонро нисбат ба қонунгузории меҳнат бадтар накунанд, вагарна онҳо мавриди татбиқ қарор намегиранд.

Омезиши танзими давлатӣ ва шартномавӣ, аз ҷумла қоидаҳои локалӣ, меъёрҳои умумӣ ва махсуси ҳуқуқи меҳнатро фаро мегирад, ягонагӣ ва фарқияти танзими ҳуқуқии муносибатҳои меҳнатиро тақвият мебахшад. Ягонагӣ асосан дар меъёрҳои умумии қонунгузории меҳнат зоҳир мешавад, ки ба тамоми кормандон дар саросари Тоҷикистон татбиқ мегардад. Қоидаҳои умумӣ барои ҳамаи корфармоён, новобаста аз шакли ташкилию ҳуқуқӣ ва моликият ҳатмӣ мебошанд. Тафовут дар