меҳнатӣ ба ҳисоб меравад. Дар ин ҳолат тарафҳои ин муносибатҳо, корфармо ва корманд шартномаи шогирдӣ мебанданд.

Муносибатҳои вобаста ба бокортаъминсозӣ дар ҳамин корфармо муносибатҳои қаблӣ мебошанд. Меъёрҳои танзимкунандаи ин муносибатҳо кафолати дастгирии иҷтимоии шаҳрвандони корҷӯ, ваколатҳо ва ӯҳдадориҳои корфармоён дар соҳаи шуғли аҳолӣ ва ғайраро дар бар мегиранд. Шаҳрвандон ва корфармоён, хадамоти давлатии шуғли аҳолӣ ва дар ҳолатҳои муқарраршуда иттифоқҳои касаба дар ин муносибатҳо ширкат меварзанд.

Муносибатҳо оид ба масъулияти моддии корфармоён ва кормандон дар соҳаи меҳнат низ ба қатори муносибатҳои марбут ба меҳнат дохил карда мешаванд. Тарафи шартномаи меҳнатӣ (корфармо ё корманд), ки ба тарафи дигар зарар расонидааст, ин зарарро тибқи КМ ҶТ ва дигар қонунҳо ҷуброн мекунад.

Муносибатҳои вобаста ба ҳалли баҳсҳои меҳнатӣ метавонанд вобаста ба мавзӯи баҳс қабл аз муносибатҳои меҳнатӣ бошанд, онҳоро ҳамроҳӣ кунанд ва ё пас аз онҳо ба вуҷуд оянд, масалан, даъвоҳои шаҳрвандон дар бораи рад кардани бастани шартномаи меҳнатӣ қаблӣ, дар бораи аз кор дур кардан, ҳамроҳӣ ё дар бораи барқарор кардан ба кор дар робита бо озодшавӣ аз кор минбаъда.

Муносибатҳои суғуртаи иҷтимоӣ, ки марбут ба таъйин ва пардохти кӯмакпулиҳои суғуртаи иҷтимоӣ буда,