Гирифтаем

Як барбари Ватан бари зан баргирифтаем,
Гулро чунонки хирману чанбар гирифтаем!
Як барбари Ватан бари зан даргирифтаем,
Як барбар, оҳ, бе бари зан дар гирифтаем!
Як барбари Ватан бари занро надидаем,
Аз по задему ду бари занбар гирифтаем!
Ҳар сӯ парешу синаву дил решу решу реш,
Худро дар оташе чу самандар гирифтаем!
Як нима рафта аз пайи мардони сарбаланд,
Як нима аз думи хари занғар гирифтаем!
Ин воизони мо сари минбар гирифтаанд,
Мо рафта ҷому як бари МИНБАР гирифтаем!
Ширин забони хеш, дареғо, ки карда гум,
Худро, нигар, ки боз суханвар гирифтаем!...

Ширинтар аз ҷон

Эй хоҳари ҷон, аз модари ҷон Бо мо буду рафт як додари ҷон.
Дирӯз бо ӯ будем ҳамдаст, Ӯ даст кандаст, моем камдаст.

Ширинтар аз ҷон будаст додар, Афсӯс, меҳмон будаст додар.
Дар шонаи ӯ чун дасти ман буд, Ман масти ӯву ӯ масти ман буд.