Эй баччаи ҷони ҷони ширин

Эй баччаи ҷони ҷони ширин,
Эй баччаи меҳрубони ширин!
Эй, дар бари ман биё бишине,
Охир, падар аст ҷони ширин.
Эй, дар бари ман агар нахоҳӣ,
Шин дар бари очаҷони ширин.
Нобуди падар, азизи ҷонам,
Ғамгин шавад очаҷони ширин.
Эй, очаи ҷони худ надеҳ ғам,
Эй баччаи ҷони ҷони ширин!
Ман дар ғами оча об гаштам,
Ку очаи меҳрубони ширин?

Мурғон ба ҳаво фиғон кашиданд

Мурғон ба ҳаво фиғон кашиданд,
Оҳ, аз дили мо фиғон кашиданд.
Як села зи хуни мардумон маст,
Ғам нест, киҳо фиғон кашиданд.
Найҳо ба суроғи найнавозон
Аз баҳри наво фиғон кашиданд.
Во, шаҳбачаҳо, ки парчағонанд,
Ёрон ба саро фиғон кашиданд.
Дар куштани додарам азизон
Сар бар сари мо фиғон кашиданд.
Ҳар сӯй фиғони «бачамой» аст,
Мардум ба Худо фиғон кашиданд.
Ин теғ кашида аз ҷигарҳо,
Бар синаи фориғон кашиданд.

Бар хок нигар, бародари ҷон

Бар хок нигар, бародари ҷон,
Бин сабзаи тар, бародари ҷон!
Гирӣ ту агар ки хок, илоҳо,
Гардад ҳама зар, бародари ҷон.