Онону навасонии сукут дар нўги овезаи мансаб.
Ману устувонии сукут дар жарфои зикри «ё Раб!».

Эй!
Куҷо шудӣ, чакчак!
Садо омад ларзонак:
-- борон монд…
Худо ҳофиз, сукути азиз!
2-2012

ТАҶЛИЛИ ИШҚ

Биё равем сар-сари ёлаҳо ба ҷустори ҳаждаҳ соли қабл ва лаҳзаҳое аз шапалаку гули биҳӣ.
Табассумат дар он чигунагӣ гулибиҳиранг буду ишқ гулпараки бўсамаст.

Биё равем сар-сари ёлаҳо то сапедадами гулҳои биҳӣ ва таҷлил кунем ҳаждаҳсолагии ишқро бо гулафшони боли гулпаракҳо.
2-2012
ВУЗЎҲ

Чӣ шабе,
Ки дуртарин фонусро Фатила буд попечи обшор.

Чӣ шабе, ки хаёлам мепечид гули ҳазорон мардумакро, ва ойинаҳои барги шукуфтанам буд дар покшӯи сароҳате, ки субҳ аз шабнами мижгонам дамонд, ва сапеда аз решаи дилам рӯёнд.