ХАТТИ ҒУБОР

Шабе, ки резиши борон садои пои ту дошт,
Даруни сина дилам гиря аз барои ту дошт.

Чу ҳарф-ҳарфи ман аз ишқи ту сухан мегуфт,
Касе, ки ҳурмати ман дошт, аз барои ту дошт,

Чӣ гуна боғ тавонад зи дил барад ёдат,
Ки ҳар шукуфа дар он атри ошнои ту дошт.

Навиштаанд ба хатти ғубор дар қадамат
Баландсайр шавад, он ки сар ба пои ту дошт.

Намонд Робиа, андар замона низ намонд
Касе, ки шому саҳар даст бар дуои ту дошт.