ВАҚТЕ, КИ ИШҚ МУРД...

Вақте ки ишқ мурд, дилат санг мешавад,
Рангин фазои хотира беранг мешавад.

Шабҳо чу пушти панҷраҳо мӯя мекунад,
Борону гиряи ту ҳамоҳанг мешавад.

Аз душманони хеш шикоят куҷо барӣ,
Вақте ки бо худи ту туро ҷанг мешавад?

Куфрони неъмат аст шикоят зи аҳли байт,
Аммо илоҷ чист, чу дил танг мешавад?

Тарки вафост байту ғазалҳои дафтарат,
Он гаҳ ки номи ишқи ту "найранг" мешавад...