Вақте маро андар забон ҳарфе зи ҳиҷрон бигзарад, Андар навори ҷони ман шарҳи найистон бигзарад.

Ман Хоҷаи Мастон шавам, ту хокрӯби даргаҳам Вақте, ки базми мову ту дар Хоҷамастон бигзарад.

Шуд Хоҷамастони азиз, дар қалби ман ҷо он, ки ӯ Аз ман агар ки бигзарад, аз Тоҷикистон бигзарад.

Ҳарчанд гӯӣ аз баҳор, аз чеҳраи сабзи нигор, Дар зеҳни ман аз шеъри ту, ёди зимистон бигзарад.

Душвор гарҷанде, ки ҳаст имрӯз бо ту гуфтугӯ,
Оне ки осон омада, як рӯз осон бигзарад...