АЗИЗТАР ЗИ БАҲОР...

Асири ҳусни баҳориву худ баҳорӣ ту,
Ки худ баҳори муҳаббат бувад канори ту.

Агар шукуфаи одӣ нисор кард баҳор,
Шукуфаҳои муҳаббат бувад нисори ту.

Тавон хумори баҳор аз лабат шикаст, вале
Куҷо баҳор барад аз дилам хумори ту?

Ва агар ҳамеша хазонаст ҳамҷавори баҳор,
Хазони ҳусн надидем ҳамҷавори ту.

Баҳор азиз бувад, з-он ки зуд мегузарад,
Азизтар зи баҳорӣ, ки мондагорӣ ту...