ЯК ҒАЗАЛ...

(ба дӯстам Мавҷуда)

Чӣ сон баҳор расидӣ, ки гӯши ишқ кар аст,
Даруни сина дилам офтоби бешарар аст.

На байти ишқ биояд ба гӯш аз боғе,
На як паём зи ёре, ки рафта дар сафар аст...

Магар баҳор ҳам аз ҳаҷри мо хиҷил гашта,
Ки шабнами нигоҳаш ба рӯи сабза тар аст?

Дигар мапурс азизам, ки ғуссаат аз чист,
Нигар ба зулфи сафедам, ҷавоб мухтасар аст.

Дигар замину само ҳам сукут меварзанд, Ту нестиву дигар чашми ман зи ғусса тар аст...