ДУГОНА ГУФТАМАТ БАҲОР

Дугона гуфтамат, Баҳор,
Дугона гуфтамат, вале хазондилон
Зи ранги худ ба гулшанам ливо заданд,
Ба қар-қаре, ки хоси зоғакон бувад,
Ба сӯи ман нидо заданд:
“Ало дугонаи Баҳор,
Магар хабар надоштӣ,
Ки хайли мо ба навбаҳор душманаст,
Ба ҳар касе, ки ошиқи шикаст нест,
Ба ҳар касе, ки шабпараст нест,
Рӯзгор душман аст!”

Дугона гуфтамат, Баҳор!
Вале миёни мо тафовути зиёд буд,
На ҳар касе зи ман, чунон ки аз ту
шод буд, шод буд...