ЛОНАИ
МУРҒИ МУСОФИР

Дар миёни бешазори тираи мардум
Ман туро, мурғи мусофир, дар шаби торик
Аз миёни бешаи мижгони чашмам кардаам гум.

Кӯр бодо дидаҳоям!
Лонаи мурғи мусофир ҳам нагаштанд.
Чанд лаҳза
Сарпаноҳи як муҳоҷир ҳам нагаштанд.

Оҳ, эй мурғи мусофир!
Узри ман дунболи ту дар ҳолати парвоз
хоҳад монд.
Мардуми чашмам ба ёди бозгашти ту
Ҷовидон дарвозаҳои хештанро боз хоҳад монд.