ҚАҲР

Заҳри ишқ хӯрданҳо,
Мурдану намурданҳо,
Бори ҳузн бурданҳо,
Ман дигар намехоҳам!

Захми чашми ин мардум,
Заҳри неши як хонум,
Гарчи сад хатар дорад,
Ман сипар намехоҳам!

Рози ман намеҷӯӣ,
Ҳарфи ту намефаҳмам.
Хаста аз дурангиҳо,
Чашми тар намехоҳам!

Иштибоҳи умрам буд,
Ишқи бесаранҷомат,
Назди ман наё дигар,
Дарди сар намехоҳам!

Бозӣ аст агар ин умр,
Бозӣ аст агар ин ишқ,
Бурди ту муборак бод,
Ман зафар намехоҳам!