• ҳозира — селаи пулии корхона ҳамчун андозаи қобили муқоиса, ки бо арзиш барои замони ҷорӣ оварда шудааст;

• оянда — селаи пулии корхона чун андозаи қобили муқоисаи он, ки бо арзиши барои замони оянда оварда шудааст. Мафҳуми «селаи пулии оянда»-ро чун андозаи номиналии он дар замони оянда (ё бо тақсимкунӣ ба фосилаҳои давраи оянда) ҳам истифода бурдан мумкин аст, ки барои дарёфти арзиши воқеӣ истифода мешавад.

Вобаста ба бефосилагӣ дар давраи баррасишаванда намудҳои зерини селаҳои пулии корхонаро фарқ мекунанд:

• мунтазам — селаҳои воридот ва хароҷоти воситаҳои пулии оид ба амалиёти алоҳидаи хоҷагӣ (селаҳои пулии як навъ)-ро ифода мекунад, ки дар давраи вақти баррасишаванда ба таври ҳамешагӣ дар фосилаҳои алоҳидаи ин давра амалӣ карда мешаванд. Аксарияти селаҳои пулие, ки аз фаъолияти амалиётии корхона ҷамъоварӣ мешаванд, ба ҳамин намуд тааллуқ доранд, аз ҷумла: селаҳои марбути хизматрасонии қарзи молиявӣ бо ҳама шаклҳояш; селаҳои пулии таъминкунандаи лоиҳаҳои сармоягузории дарозмуддати воқеӣ ва монандӣ инҳо;

• дискретӣ — воридот ё хароҷоти воситаҳои пулиеро муайян мекунанд, ки бо иҷрои амалиёти ягонаи хоҷагии корхона дар давраи баррасишаванда алоқаманд аст. Ин гуна селаҳои пулӣ дорои хосияти масрафи якмаротибагии воситаҳои пулии марбут ба харидории маҷмӯи амвол, гирифтани лицензияи франчайзинг, воридоти воситаҳои молиявӣ бо тартиби кӯмаки бебозгашт ва монандӣ инҳо мебошанд.

Дар фосилаи кӯтоҳтари вақт ҳама селаҳои пулии корхонаро чун селаҳои дискретӣ баррасӣ метавон кард, ва баръакс — дар доираи сикли ҳаётии корхона қисмати бештари воситаҳои пулии он хусусияти мунтазам (доимӣ) доранд.

Вобаста ба суботнокии фосилаҳои вақти ташаккулёбии худ селаҳои пулии мунтазам чунин навъҳо доранд:

• селаи пулии мунтазам бо фосилаҳои баробари вақт дар давраи баррасишаванда — хусусияти аннуитет (аннуитет — пардохти ҷамъан баробари қарзҳои қарз, ки ҷамъи фоизҳои ҳисобшудаи қарз ва ҷамъи қарзи асосиро дар бар мегирад);

• селаи пулии мунтазам бо фосилаҳои нобаробари вақт дар давраи баррасишаванда — графики пардохтҳои лизингӣ барои амволӣ