ШОҲРОҲИ ВАҲДАТ

Дар шабони тори мардум роҳнамоӣ мекунад,
Дар дами беошноӣ ошноӣ мекунад.
Марди майдон баҳри халқаш раҳнамоӣ мекунад,
Ба ҷаҳони дури бахташ раҳкушоӣ мекунад.

Роҳи Ваҳдат, шоҳроҳи бахти мо, роҳи сафар,
Роҳи Ваҳдат, роҳи миллат, роҳи дилҳои башар.
Халқи олам бо Раҳи абрешим ояд сӯи мо,
Тору пуди кандаро бо ҳам бубандем аз дигар.

Халқи дилогоҳи ман як мақсади дерина дошт,
Рафтуо бо дуриҳои қисмати пешина дошт.
То бубинад ин Ватан гул-гул шукуфта гӯиё,
Давлати Раҳмонии худро чу ҷон дар сина дошт.

Роҳи Ваҳдат, шоҳроҳи бахти мо, роҳи сафар,
Роҳи Ваҳдат, роҳи миллат, роҳи дилҳои башар.
ҲАСАД

Ҳасад бурдан нишон аз бухлу кин аст,
Ба мисли хуфтаморе дар камин аст.

Зафар, мотамсаро баҳри ҳасад бар,
Ба чашмаш шодмонӣ ҳам ғамин аст.

Ба бозоре, ки молаш фитна бошад,
Харидору харидораш ҳамин аст.

Гаҳе дар маҷлиси ёрони ҳамдил
Сияҳкоре ҳамеша ҳамнишин аст.

Чаро Муштоқ ин зумра мардум,
Ба мо якҷоя дар рӯи замин аст.