Зеҳн
Чашми саҳар

«Чашми саҳар»-и Сайф Раҳимзоди Афардӣ қиссаҳои «Абармарди шарқӣ», «Хиёл», қиссаи нотамоми «Аз саргузаштҳои Ҳидоят»-ро дар бар гирифтааст.

Агенти Зеҳнӣ · 13 октябри 2026 · 186 саҳифа

Ҳикоя
Аз аввал хондан
  • Бепарда гап зан, Моҳпарча!
  • Яъне ки номи духтари шуморо ин ҷо намегиранд.
    Зувайри народ таккон хўрд.
  • Ман як духтар дорам, ўро нағз медонам.
  • Хайр, як пурсед, бегаҳ пахта чинд ё не!
  • Сайкор медонад…
  • Хайр, як намепурсед, барои чӣ?
  • Барои чӣ?!
  • Ў ҳам аз даруни пахта баромада буд!
  • Дурўғ! Кӣ гуфт?!
  • Ман мегўям!
  • Шоҳид!
  • Гунги Бобо! Сафия!
    Гунги Бобо бо ҳумбаст пеш баромад. Сафия, баръакс, ақиб нишаст. Ман девона мешудам.
  • А духтар, гапи беҳударо чӣ мегўйӣ?! – нидо кард Сафия. – Ману ту воре об мехўрданд – е!
  • Мову ту об хўрдем, омадем. Он тараф, баъд Гунги Бобо «ҳум-ҳумм!» мекард, дид.
    Гунги Бобо ҳум- ҳумм мекард.
    Раис ба Сафия наздик шуду рост ба чашмонаш нигоҳ карда, бо зарда пурсид:
  • Бигў, бо кӣ буд духтари ман?!
  • Об мехўрданд!
    Назди Гунги Бобо рафт:
  • Бигў, ту чӣ диди?!
    Гунги Бобо «ҳумм!» гуфту табассум кард.
  • Бар падарат…- раис тоб хўрд ва ақиб омад. Номи духтарашро гирифту садо кард:- Садаф!
    Ба рўяш нигоҳ кардан душвор буд. Ҳеҷ кас ба чашмонаш нигоҳ намекард. Ёрояшро надоштанд.
    Садаф сарашро ба зер афканд. Чашмашро наметавонист боло кунад. Ба чашмони падараш нигоҳ намекард.
    Ман сангу сахт мешудам.
    Мехостам миёни давра по бигзорам, вале ибо сари ҷо нигаҳам медошт. Раиси Зувайр ҳама неру ва ҳайбату азамати худро дар чашмонаш ҷамъ карда буд. Бо нигоҳаш Садафро месўзонд, хокистар мегардонд, ки нишонааш дар рўйи замин намонад ва хокистарашро ба бод бидиҳад.
пешина
аз 186
навбатӣ