ба тозагӣ хондааш мепурсид ва гоҳи дигар аз он ҳикоят мекард, ки читур ду ҳамсоязани онҳо барои як мурғи беакл ҷанҷол кардаанд... Аз он рӯйдоди рӯзи гузашта Ялқоп ҳарфе намезад ва ҳатто сиёсати Илхонро ҳам бас карда буд ва гӯё ҳама ҳастии онҳо дар ҳамин хомӯшӣ гиреҳ хӯрда буд: чун аробаи дар регзори нарм побандмонда, ки аз ягон тараф дигар моили ҳаракат набуд, ки набуд...

Чанде аз чунин рӯзҳо сипарӣ шуданд ва Пӯлод ба муаллимааш аз рӯи ваъдаи худ вафо кард: яъне то ин масъала ҳалли худро наёбад ба шаҳр нахоҳад рафт.
Холбика аз касе, шояд аз Илхон, он чиро ки дар амбор рух дода буд, дарак ёфт ва ҷанҷолҳои навро намехост, ҳарчанд ки хоҳу нохоҳ бояд рух медоданд, агар вақте, ки Ялқоп аз беиҷозат ғайб задани Пӯлод огоҳ мешуд...
Чаро ман ба гуфтаҳои ӯ розӣ шудам, — дилгирона андешид Пӯлод — агар не, кайҳо боз бо падарам дидор медидем. Аммо то шаҳр рафтан барои каламу дафтару китоб, ки Холбика мехост ӯро бо калом як хонандаи синфҳои болоӣ бифристад, ба таъхир монда буд ва як саҳар ба синфҳои онҳо муаллимаи наве ворид шуда эълон дошт, ки роҳбари синфашонро маорифи ноҳия барои баъзе корҳои мактаб даъват кардааст. Пӯлод, балки ранҷид аз он ки худаш мераваду ӯро рафтан намемонад ва ба хулосае омад, ки бояд фардо аз субҳ, Илхонро ба хомӯшӣ водорад ва ба аёдати падараш биравад. Ӯ андешид, ки дигар аз ин «шутурмург» нахоҳад тарсид ва ӯро маҷоли фармонфармоӣ нахоҳад дод...

Аммо то охири рӯз Холбика баргашту лаҳзае мувофиқ пайдо карда, чашмонашро масрурона бозӣ доронда гуфт, ки пеши падараш рафтааст ва сиҳатии ӯ хуб шудаву баъд аз якуним ё ду ҳафта ҷавоб хоҳад шуд...
Ва фардо боз ба маориф хоҳад рафту бо мудири мактаб забон як карда Пӯлодро ҳам барои овардани китобҳо бо худ хоҳад бурд, — фақат аз ин мавзӯъ дар хона беҳтараш лаб набояд кушод...

— Либосҳои гармтар пӯш — илова кард ӯ. — Биёбони чунон шамол дорад, ки...

Аз хона, рӯ-ҷониби ганҷурхона, модараш баромад.
Ва на бори аввал буд, ки Пӯлод нигоҳҳои шубҳаомезу ҳатто душманонаи модарашро нисбати Холбика пай бурда буд.

— Аз чӣ бошад, ки вақтҳои охир шумо бисёр маслиҳат мекардагӣ шудед... — бо ӯ баробар шуда истода