бор базӯр пояшро ба ҳавлӣ гузошт ва чашмонаш ба тарафи дарахти тутӣ пир нанигаристанд. Хӯб донист, ки ақлашро гум кардаасту, саропояш дар арақ тар шудааст ва поҳояш бефара... Аждар дар ҷояш набуд. Рӯи хоки пур аз тиккаҳои пашми зард, болои табақчаи алюминий занҷир бо гардбанди кандашуда мехобид...

Ба Махтум қоил бояд шуд, зеро ӯ худашро идора карда метавонист, ва меҳмонон огоҳ ҳам набуданд, ки ҳодисае рух дода бошад, — танҳо Худо медонист, ки ӯ бо кадом қудрате аз ин варта раҳоӣ ёфт! — Тамоми нирӯяшро ба гиреҳи муште ҷамъ оварда, Махтум табассуме карду дасташро, чун лаҳзаҳои вохӯрӣ ба меҳмонон, кушод.

— Биёед, меҳмонони азиз, хонаи ман хонаи шумост! — гуфт ӯ. Одам барои ғурури хеш танҳо чӣ корҳоеро сомон медиҳад, — ин ҷо, барои санҷиш дар ҳақиқат қудрати ҳар кас ба худаш вобаста аст. Худатон андеша кунед: оё метавонад, ки бадбахтие аз ин зиёд бошад ва боз нобарҷо, — гӯй ки бадбахтӣ барҷой ҳам мешудааст! — ҳамагӣ бар сари як одам? Ӯ дарзамон ӯҳдабароёна роҳӣ аз ин хандахариши беҳуда раҳо шуданашро пайдо кард.

«Чаро ман чунин дар изтиробам, охир касе чизе намедонад» — андеша кард ӯ. Ва ростӣ ки Махтум ҳанӯз дар бораи ин сағаш ба Байтӣ чизе нагуфта буд. Ӯ, ҳанӯз, танҳо барои Махтум вуҷуд дошту халос. Байтӣ бошад аз будани саг ҳеҷ огоҳӣ надошт, аз ин рӯ метавон ҳисобид, ки гӯё чизе рух надода бошад. Махтум пешбин набуд, ки аз ин санҷиши пешомад огоҳ мешуд. Ӯ акнун дарро ба рӯи меҳмонон васеъ кушода буд, ки пеши чашмонаш қомати занаш ҳувайдо шуд. Аз чашмонаш ҳолати ҳаросро пай бурдан мумкин буд.

— Ман бо ӯ чизе карда наметавонистам, — гуфт занак. — Саг гӯё хашмгин шуда буд, ки гарданбандашро канду гурехт, худат саросемагӣ карда дарвозаро хуб набаста будӣ...

Махтум андешамандона туф кард: боз ҳаминаш намерасид! «Хайр, ки аз ту пурсид? Ту чӣ, бо ҳамин хабари шумат қаҳри маро зиёд кардан мехоҳӣ? Чӣ, магар худам намебинам, ки саг дар ҷояш нест? Дар чашмони ту бояд муште фуровард, то зудтар бибинӣ-ву бо ин навигариҳоят дар пеши кӣ арз карданатро дониста монӣ — Ва Махтум дар ҳамин бозӣ ҳам аз об соф баромад.

— Ҳеҷ гап не, гурехта бошад боз бармегардад, — хурсандона