Чу бо ростӣ бошию мардумӣ,
Набинӣ ҷуз аз хубию хуррамӣ.
Абулқосими Фирдавсӣ

Ҳар он кас, ки бо ту нагўяд дуруст,
Чунон дон, ки ў душмани ҷони туст.
Абулқосими Фирдавсӣ

Раҳи растагорӣ зи деви палид
Ба кирдори хубӣ наёяд падид.
Абулқосими Фирдавсӣ
Ҳақ гўй, агарчи талх бошад.
Унсурулмаолии Кайковус

Барояд коми дил, чун дил бувад рост.
Фахриддини Гургонӣ

Киро нест дар дўстӣ ростӣ,
Бияфшон ту аз гарди ў остӣ!
Асадии Тўсӣ

Дилатро рост кун, гар росткорӣ,
Ки ҳаст аз росткорӣ растагорӣ!
Носири Хусрав

Ростӣ шуғли некбахтон аст,
Ҳар киро ҳаст , некбахт он аст.
Дил зи баҳри чӣ дар кажӣ бастӣ?
Ростӣ пеша кун, зи ғам растӣ!
Гар кажиро шақоват аст асар,
Ростиро саодат аст самар.
Ҳар ки ў пеша ростӣ дорад,
Нақди маънӣ дар остӣ дорад.
То дар ин риштае, ки маскани туст,
Нафас ар каҷрав аст, душмани туст.