Ҳар кас ба забони худ сухандон гардад,
Омўхтани сад забонаш осон гардад.

---

Ҳар ки сухан бар сухане зам кунад,
Қатрае аз хуни ҷигар кам кунад.

---

Он чи захми забон кунад бо ман,
Захми шамшери ҷонситон накунад.

---

Теғ аст забон. кашида ҳамвор,
З-ин теғи кашида сар нигаҳ дор!

---

Забони покро, ҳайф аст бисёр,
Ки аз лафзи дурўғ олуда созӣ.

---

Беҳ аз некў сухан чизе наёбӣ,
Ки аз доно барӣ бар расми пора.

---

Фасона гашту куҳан шуд ҳадиси Искандар,
Сухан нав ор, ки навро ҳаловатест дигар.

---

Ҳар сухане, ки аз фикр холист, лағв аст ва ҳар назаре,
ки аз ибрат холист, лаҳв аст.

---

Доно ба иморати сухан машғул аст, нодон ба иморати
бадан.

---

Ҳеч гавҳаре зеботар аз сухани некў натавонад буд.

---

Захми синон бар тан асту захми сухан бар ҷон.

---

Зи ҳарфи ҳақ нашавад ранҷа марди донишвар.

---

Он чи дар дил аст, бар забон ояд.

---

Калтак ба гўшт расад, сухан ба устухон.