Қаҳқаҳаи реша буд зарбати борон ба барг,
Акси садо медиҳад тундараш аз осмон.

---

То зи нури ишқ хилъат сохтам,
Ҷомаи хунини дин андохтам.

---

Синаи молиш надида
Ҷони осоиш надида.

---

Хони мо азбаски шуд лабрези файзи устухон,
Мижжаи тифлони мо боли ҳумо хоҳад шудан.

---

Монанди хаёли навҷавониро
Омехтаанд зиндагониро.

---

Дар ҷаҳон зистану банди ҷаҳон будан чист?
Тифли гаҳвора будан бе талаби модару шир.

---

Пайдост забони худфурўшӣ,
Воёб забони худкушоӣ.

---

Аз дори забон фарозтар доре нест,
Аз ёри забон банозтар ёре нест.

---

Нигоҳам ишқро андоза мекард,
Дил аз зиштӣ дарунро тоза мекард.

---

Ҷавшани борон ба бар духтари Наврўзро,
Теғ ба каф «оҳ» шуд барқи ҷаҳонсўзро...

---

Мекунад фарёд моро аз гулўи гул замин,
Хешро бўи гул ороему рўи гул замин.

---

Гар бихезӣ ту чунон хез, ки хезад Ватанат,
На чунон гарм гурезӣ, ки гурезад Ватанат.

---

Ин беди баланду шоху баргаш задагӣ,
Дарёи ҳаёту обаш оташ задагӣ.

---

Гул тафаккури офтобро ба шарҳи нур фаҳмид
Офтоб андешаи гулро ба тафсири шабнам.

---

Андешаи сабза шабнамро чун замин ларзонд,
Андешаи сабзаро гов хўрд.

---

Андешаи барфии осмон,
Шакари пиёлаи замин шуд
Тифлон андешаи сапеди ширинро чӣ қадр дўст доранд.

---

Офтоб андешаи ориёиро шабнам сохт
Ва сари гул рехт,
Андешаи сомиро бамба кард,
Ва сари одамият рехт.

---