балки дар ҷумла аз ҳам дур воқеъ мешаванд: Қабул он қадъяро чун ёдгори пурбаҳо кардам (М. Турсунзода, Ду рӯ- молча). Шабона дарсҳои гузаштаро такрор ва дарсҳои хон- дашуданиро тайёр мекардам (С. Айнӣ, Ёддоштҳо).

Ҷои худро тағьир додани ҷузъҳои феълии таркибӣ номӣ дар назм вобаста ба қонунияти каломи мавзун воқеъ меша- вад. Чунончи:

Чу мебинам, туро, эй рӯди Помир,
Замони хурдсолӣ мекунам ёд.
(М. Миршакар)

Феълҳои таркибии феълӣ

Феълҳое, ки ҷузъҳои таркибиашон аз шаклҳои гуногуни феълӣ иборат буда, ҳамчун як воҳиди луғавӣ ё грамматикӣ ба ҳисоб гирифта мешаванд, феълҳои таркибии феълӣ номи- да мешаванд.

Агар шаклҳои таркибии тарз, намуд, сиға ва замонҳои феъл ба эътибор гирифта шаванд, феълҳои таркибии феълӣ сершаклтарин ва сермаҳсултарин категорияи феълҳои тар- кибӣ ба шумор мераванд. Гурӯҳи феълҳои таркибии феълӣ, ки ба шакли хондан гирифт, хоҳад хонд, хондан мехоҳад, ни- гаронида шуда буд, гуфта мегашт, хӯрда нишаста шудааст ва амсоли инҳо бо феълҳои ёридиҳанда кор фармуда меша- ванд, вазифа ва аҳамияти грамматикӣ доранд.

ПАС, ин ҷо сухан дар бораи чунин феълҳои таркибии феъ- лӣ меравад, ки ҷузъи якуми онҳо ҳамчун қисми асосӣ ва соҳибмаънои феъл одатан аз шакли феъли ҳол (сифати феъ- лии замони гузашта бо суффикси -а) ва ҷузъи дуюмашон аз шаклҳои тасрифии феълҳои ёридиҳанда иборат буда, маъни- мои луғавӣ, тобишҳои услубӣ ва қисман грамматикиро ифо- да мекунанд. Ин гуна феълҳои таркибӣ феълҳои таркибии феъли ҳолӣ низ номида мешаванд. Масалан: гуфта додан, навишта гирифтан, ларзида мондан, сар дода фиристодан ва ғайра.

Ҷузъҳои феъли таркибии феълӣ (феълиҳолӣ) аз ҷиҳати маънои луғавӣ ё таносуби маъно ҳамеша як хел нестанд: аксар ҷузъи якум ҳамчун феъли асосӣ, аммо ҷузъи дуюм ҳамчун ёридиҳанда меояд: омада мондан, гуфта додан, хонда баромадан ва ғ., баъзан ҳар ду ҷузъ баробармаъно меша- вад: омада рафтан, харида додан, пухта овардан ва амсоли инҳо; гоҳо маънои асосиро ҷузъи дуюм ифода мекунад: зада гирифтан, монда рафтан ва ҳоказо.

Ба ин маъно дар таркиби феълҳои таркибии феълӣ (феъ- лиҳолӣ) бисёр феълҳо, ки аксарашон аслан феъли мустақиланд,