Мениҳам баски ба зонуи хаёлат рӯро,
Мум шуд магзи сарам оинаи зонуро.
(Шавкат).

6-умин вазни 15-ҳиҷоии рамал (мусаммани махбуну мушаъас) — фаилотун фаилотун фаилотун мафъулун
VV — — / VV — — / VV — — / — — —;

Чӣ кунам, ҳар чӣ кунам, бо ту намедорад судам,
Ба ҷуз он хила надонам, ки зи ишқат бигрезам.
(Насриддини Тӯсӣ).

7-умин вазни 16-ҳиҷоии рамал (мусаммани як рукни машкулу як рукн солим) — фаилоту фоилотун фаилоту фоилотун ду бор дар байте VV — V / — V — — / VV — V / — V — —:

Набарӣ гумон, ки ҷое равам аз ҳарими кӯят,
Ҳама ҷо асир бошад, на чунон ки ман ба рӯят.
(Мушфиқӣ).

8-умин вазни 15-ҳиҷоии рамал (мусаммани садру ибтидову ҳашвҳо — солим, арӯзу зарб — маҳзуф) — фоилотун фоилотун фоилотун фоилун;
— V — — / — V — — / — V — — / — V —:

Моҳи шаҳрошӯби ман ҳар гаҳ ба роҳе бигзарад,
Шаҳр пургавғо шавад, чандон ки моҳе бигзарад.
(Ҳилолӣ).

Одамият чист? Худро дур аз шарр доштан,
Хайрхоҳи халқ будан, нафъи безар доштан.
(Асири Хуҷандӣ).

Рози дил мегуфтам, ар як маҳраме медоштам.
Шикваҳо мекардам аз ғам, ҳамдаме медоштам.
(С. Айнӣ).

Эй нигори порсоӣ, аз мо нигаҳдорӣ бикун,
Мо зи по афтодагонро баъд аз ин ёри бикун.
(Лоҳутӣ).

Ба ҷои фоилун — V — (маҳзуф) баъзан фоилон — V — — (максур) меояд:

Ноумедӣ дар тамошогоҳи ибрат мотам аст,
Ҳар қадар беш аст сазуи матлаби ирфон, кам аст.
(Аҷзӣ)