камол расид. Вале ногоҳ Гриша — Григорий Елифансев, оператори кино, аз куҷое пайдо шуд. Клавдия ба мисли духтараки наврас ақлу ҳуш бохту аз баҳри хона, шавҳар, писар баромада бо ӯ бирафт.

Албатта, аз ин девонагӣ чизе ҳосил нашуд. Кӣ ба пирӣ ғолиб омадааст? Ӯро барои ин амалаш ҷазои сахт — танҳоии интизор буд ва Ӯ танҳо, бекасу беёр монд. То нафаси охирин интизор буд, ки писараш аз гуноҳаш бигзарад.

Дар тӯли эҷодиёташ Шулженко 23 карта сабт намудааст. «Расм», асари охиринаш, аз ёздаҳ суруд иборат буд, бо якҷоягии «Сарбанди нилобӣ». Баъди сипарӣ шудани солҳои зиёд Клавдия Ивановнаи солхӯрда дар як шаби эҷодиаш ба ёд овард:

«Куҷо бошад он нобиғаи накӯкор, лейтенанти хушандом Максимов, ки ба вай боре суруди хайрбоди рӯҳи ӯ, «Сарбанди нилобӣ»-ро хоксорона тӯҳфа карда буд».

Майя Михайловна Плисетская

(Соли мавлудаш 1925)

Раққосаи балет, Ҳунарпешаи мардумии СССР (1959), Қаҳрамони меҳнати сотсиалистӣ (1985). Балетҳои «Анна Каренина», «Чайка», «Хонум бо сагча»-ро ба саҳна гузоштааст ва дар онҳо нақшҳои асосиро бозидааст.

Шояд раққосаҳои балет пир намешаванд ё эҳтимол онҳо асрори мубориза бо вақтро кашф кардаанд. Ё ин сирро танҳо