ки ҳангоми сайругаштҳои фаромӯшнопазири овони ҷавониам ба сӯям назар меафканд ва мегуфт: «Ту бояд ба ҷанг нафрат дошта бошӣ ва ҳам ба онҳое, ки ҷангҷӯянд...»

Вале ёддоштҳои айёми наврасии қаҳрамони мо бо дигар нависандаи маъруфи рус сахт пайвандӣ доранд. Додари хурдии Олга — бастакори оянда Лев Книппер, муаллифи суруди «Полюшко-поле» бемор аст. Вай дар хонаи нимторик рӯи ҷойғаҳ хоб, ҷунбиданаш мумкин нест, зеро бо миёнбанди махсус баста шудааст. «Дар назди кати бемор табиб нишаста, бо як меҳрубонии хоса сухан ронда, граммофони хурдакаки дар даст доштаашро нишон медод. Лев ба дарди тоқатфарсои узви бадан тоб оварда табассум мекунад. Вай беҳад дӯстдори оҳангҳост, наворо хуб дарк менамуд. Табиб инро медонист. Граммофон алҳол ба сифати дору хизмат мекард.

Табиб шахси хушқаду қомат аст, канораҳои чеҳраи байзавии ӯро мӯйҳои сиёҳҷатоб ва ришҷаи зебо зеб бахшидаанд. Чашмони ӯ ба ранги аҷоиб медурахшанд. Ин барқи нигоҳи табиб ба маризон нисбат ба ҳар гуна ҳаб бештар манфиат меорад. Вай чӣ хостани дили наврасонро хуб медонад. Аз ин рӯ ҳабҳои душворхӯрро ба онҳо намедиҳад, барояшон доруҳои обакӣ мефармояд. Табиб нависандаи машҳур Антон Павлович Чехов, амаки ман аст».

Аммо дар ҳақиқат Чехов амаки Олга набуд, вай танҳо шавҳари холаи ӯ — Олга Леонардовна Книппер-Чехова ба ҳисоб мерафт.

Боре ҳангоми як сафараш ба Маскав, зимистони соли 1914 Олга Константиновnaи ҳабдаҳсола пинҳонӣ бо додарзодаи нависанда Михаил Чехов ақди никоҳ баст. Олга Леонардовна — ӯро дар оила «Олгаи якум» меномиданд — зани ҳукмравою инҷиқ сахт барошӯфт ва ба хонаи домод бо қаҳру ғазаб роҳ пеш гирифт. «Дарро ба рӯяш хоҳарзодааш Олга кушод. Бо дидани вай Олга Леонардовна аз ҳуш рафт, — навиштааст яке аз шоҳидони воқеа. — Лекин намедонам, ки дар