Марфаи шаҳрдор
(Боретская)

(Солҳои таваллуд
ва вафоташ
номаълум)

Беваи ҳокими Новгород И. Боретский. Гурӯҳи боярҳои зиддимаскавиро роҳбарӣ кардааст. Баъди дар соли 1478 ба Маскав ҳамроҳ намудани Новгород ба зиндон афканда шуд.

Зангӯлаи вече (ҷаласаи шаҳриён) новгородиҳоро ба Майдони бузург мехонд. Дар ин ҷо асрҳо боз шаҳриён таърихи худро, ки саршор аз корномаҳо ва санҷишҳои талх буд, меофариданд. Дар тамоми ҳудуди Русия шаҳре набуд, ки то асри XV дар зери юги истисмори муғулу тотор намонда бошад. Танҳо ҷаноби Новгороди Кабир аз озодӣ ва боигарии ҳамешаафзунаш сарбаланд бо такаббур савлату давлат меронд. Ва шаҳр бисёр одамони машҳуру озодипарастро ба ҷаҳон овард. Танҳо дар ҳамин гуна шаҳр метавонист зане пайдо гардад, ки аз даъвои ҷаҳонгирии князи Маскав Иван Грозний натарсида, бо ӯ пайкор намояд.

Нисбат ба ҳолномаи Марфа маълумот кам ба даст омадааст. Эҳтимол Новгород чунин бонувони шӯҳратёр, ҷасуру ватандӯстро бисёр дидааст, вале на ҳамаи онҳо худро дар вазъияти барои меҳан басо ҳассос санҷидаанд. Солҳои зиёд Марфа низ танҳо бонуи бовафои хона, меҳрубону дӯстдори шавҳараш Исаак Боретский, ҳокими шаҳр, буд. Онҳо хушбахтона, серу
пур, байни хешу табор ва аҳли оилаи зиёд мезистанд. Марфа
шояд намехост рафти зиндагиаш маҷрои дигар бигирад. Вале