вақт боигариашро ба фарзандони Льюис васият карда буд. Аз ин мебарояд, ки Ҷон завҷаашро дӯст медошт ва ба ақлу фаросаташ қоил гашта, талаботи рӯҳиву маънавиашро қонеъ месохт.

Дар аксар асарҳои Элиот марг ба мисли калиди мушкилкушо нақш мебозад. Қаҳрамонҳои асараш мемиранду бо марги худ тарафҳои даргирро бо ҳам ба созиш меоранд. «Бисёр вақт боварӣ ба марг маро ба зиндагӣ дилгарм менамуд», - мегуфт ӯ ба хонандагонаш. Ва ба мисли қаҳрамонҳои асараш то ба дили шавҳари ҷавонаш задан ва кам гаштани шӯҳраташ дунёро падруд гуфт.

София Василевна Ковалевская
(Солҳои зиндагиаш 1850-1891)

Риёзидони рус, нахустин узви вобастаи Академияи илмҳои Петербург аз байни занон, завҷаи В. Ковалевский. Дар соҳаи таҳлили риёзӣ (муодилаҳои дифференсиалӣ ва функцияи аналитикӣ), механика (даврзании ҷисми сахт дар атрофи нуқтаи беҳаракат), кайҳоншиносӣ (ҳалқаи Сатурн) корҳои илмӣ бурдааст. Муаллифи асарҳои мансур.

София Ковалевскаяро шоҳдухтари илм мегуфтанд, аммо ӯ аз ҳама бадбахттарини шоҳдухтарон буд. Вай ба қаҳрамони